「千房」係一間好受歡迎嘅大阪燒專門店，分店已遍佈日本全國，就算去日本其他地方都可以食到大阪名物大阪燒。 每次我經過「千房」都見到人龍，想入去食都唔係咁容易。後來發現千房有其他嘅品牌 - “President”，係可以訂枱㗎喎。雖然價錢係比”Basic Style” 貴，但係有套餐提供唔洗諗食咩同埋唔洗排隊呢個先係重點😂。 每位去”President Chibo”南本店嘅客人都會被安排坐鐵板燒枱，會有師傅喺你面前烹調。每位師傅招呼4位客人，唔需要等好耐就有第二道菜食。 當晚每人點咗份套餐「宴」(每位JPY10,800，已含稅) ▫️北海道キングサーモンのサラダ仕立で ▫️特製 ”鉄板エビマヨ” ▫️真鯛のポワレ　バジル香るトマトオリーブンース ▫️活 あわびの鉄板焼 ▫️国產黑毛和牛サーロインステーキ ▫️黑豚玉 or 黑豚焼そば ▫️デザート 套餐有前菜、燒和牛西冷扒、燒蝦、燒三文魚、燒鮑魚、大阪燒/炒麵 (2選1）及甜品。所有燒物係都有師傅即場喺你面前燒，燒完後即上枱保證新鮮熱辣。鮑魚係活生生嘅隻，我哋睇住師傅從水缸取出鮑魚然後放上鐵板燒。套餐嘅大阪燒只有一款黑豚，冇其他口味俾你揀。個人意見揀大阪燒好過炒麵。炒麵冇乜特別，菜多過豬肉😆 想一次過滿足食大阪燒及鐵板燒嘅慾望嘅話呢間無論以環境、價錢及食物質素嚟講都係一個唔錯嘅選擇。 ⭐️套餐不包含飲品 ▫️黑烏龍茶 (JPY600) ▫️啤酒 (JPY780) 原來另有一個比千房President 更高級嘅品牌”Elegance”，唔知同”President”嘅分別有幾大呢？ #社群相聚